د ټرانسپورټ او هوايي چلند وزارت، د ځمکني ټرانسپورټ قوانینو او معاهداتو رئیس یارمحمد رمضان په مشرۍ د مالیې، ټولګټو چارو ، صنعت او سوداګرۍ او کورنیو چارو وزارتونو د استازو په ګډون د تیر نړیوال ټرانسپورټي سیستم غوره پلي کولو په اړه ناسته وشوه. په دغه ناسته کې د یاد سیسټم له لارې د ټرانسپورټي شرکتونو د فعالیت، د سوداګریزو مالونو لېږد رالېږد، د دغه سیستم له لارې د صادراتو او وارداتو پر زیاتوالي او یو شمېر نورو اړوند موضوعاتو په اړه خبرې وشوې.
