#موټر_په_پام_چلوه
د لويو لارو موټرچلوونکیه.

موټر په پام چلوه پایلې یې ترخې دي
اې ځوانه ګوره د مورکۍ اوښکې درنې دي.

...
ته خبر یې له سپرلیو ډک موټر ته ورپورته کېدل او بیا یې په بې پروایی سره ځغلول څومره لوی مسئولیت لري؟ ستا په موټر کې په لسگونو کسان سفر کوي او هر کس په خپل سر کې د راتلونکي لپاره یوه رنگینه دنیاگۍ لري، خپلوان او کورنۍ لري، ته باید دې ټولو ته پام او احترام وکړې. کله چې دې په زړه کې د موټر چلولو هوس او هيله پيدا شوه له دې وړاندې چې موټر ته پښه ورپورته کړې، لومړی له ځان سره فکر وکړه چې ايا د دې وړتيا لرې چې دومره لوی مسئولیت پر غاړه واخلې؟ د موټر له تخنیک سره بلد یې؟ ماغزه دې په مکمل ډول فعال دي؟ كومې نشې او حادثې خو به نه وي ځپلي؟ سترگې او غوږونه دې سم کار کوي؟ لاسونو پښو او د بدن نورو غړو ته دې وگوره، چې روغ او د موټر چلولو وړتيا لري او که نه؟ کله دې چې دا هر څه مکمل او جوړ وو بیا په پوره مهارت د موټر چلول زده کړه، د موټر چلول داسې زده کړه، لکه پوهنتون چې وايي؛ لکه څنگه چې نیمه ډاکټر انسانان وژلی شي، که د یو چا موټرچلونه سمه نه وي زده، هغه هم د ډېریو انسانانو له ژوند سره لوبې کولی شي. کله چې دې د موټر چلولو زده کړه پای ته ورسېده بیا د رسمي سند یا لایسنس په لټه کې شه په اصولي او قانوني ډول په خپل استعداد او وړتيا لايسنس واخله او له دې وروسته په بسم الله سره موټر ته پښه ورپورته کړه او له ځان سره فکر وکړه چې ما ته یو لوی مسئولیت را وسپارل شو او که چېرې ته خپله دنده په ښه شان سر ته ورسوې، ستا هره شېبه په عبادت کې حسابېږي، ځکه له تا سره گڼ مسافرين له یوې سيمې بلې ته سفر کوي، ته بايد د دې ټولو په خونديتوب فکر وکړې خدای مه کړه که چېرې دوی ته کومه پېښه کېږي او دا پېښه ستا له کبله وي، الله ج به يې درنه پوښتنه کوي او د دوی په مرگ ژوبله کې به ته حتماً ملامت او مجرم وبلل شي.

ویډیو ⬇️

اې ځوانه ګوره د مورکۍ اوښکې درنې دي #

د ټرانسپورټ او هوايي چلند وزیر الحاج ملا محمد فاضل مظلوم هلمند ولایت ته د سفر په ترڅ کې د یاد ولایت واټ ټرانسپورټ تنظیم ریاست او لښکرګاه هوايي ډګر د ټرانسپورټي چارو څخه لیدنه او څارنه وکړه. په یاده څارنه کې د ځمکني او هوايي ټرانسپورټ مسؤولینو سره د چارو په اړه ناستې وشوې. د دوی ستونزې او غوښتنې واورېدل شوې، د روانو فعالیتونو ارزونه وشوه او د چارو لا ښه تنظیم او پرمختګ په موخه اړوند مسئولینو ته لازمې لارښوونې هم وشوې.

خبرداری
د اعتبار موده: د ۱۴۰۵ کال د لړم ۱۵ نېټې پورې
په لاندې ولايتونو کې نسبتاً تیز باران تالنده برېښنا تېزو بادونو او سېلابونو پیښېدو اټکل:
به فاریاب، بادغیس، هرات، فراه، نیمروز او هلمند ولايتونوکې چې د باران کچه په بېلابېلو سيمو کې له (۱۰) څخه تر (۲۵) ملي مترو پورې اټکل کيږي.
همدارنگه په شمالي لوېديځو ، سوبلي، سویل ختیځو او مرکزي ولايتونو کې د تېزو بادونو پیښېدو اټکل شته چې د سرعت کچه يې په بېلا بېلو سيمو کې له (۵۰) څخه تر (۹۰) کیلو متره په ساعت کې اټکل کېږي.

هشدار
مدت اعتبار : ۱۵ عقرب سال ۱۴۰۵ خورشیدی
احتمال وقوع باران نسبتاً شدید رعد و برق بادهای شدید و سیلابها آنی در ولایات ذیل پیش بینی میگردد
در ولایتهای فاریاب، بادغیس، هرات، فراه، نیمروز و هلمند که مقدار باران در نقاط مختلف بین (۱۰) الی (۲۵) ملی متر پیش بینی میگردد.
همچنان در ولایتهای شمالی غربی جنوبی جنوب شرقی و مرکزی احتمال وقوع بادهای شدید وجود دارد که سرعت آن در نقاط مختلف بین (۵۰  الی ۹۰) کیلومتر در ساعت پیش بینی میگردد.

WARNING!
Validity time: 6 November 2026
Possibility of Relatively Heavy Rain, Thunderstorm, Strong Winds and Flash Flood for the following provinces:
Faryab, Badghis, Herat, Farah, Nimroz and Helmand Provinces the amount of rainfall is between (10 to 25) mm in different area.
In the Northern, Western, Southern, Southeastern and Central Provinces possibility of Strong Winds the amount of Wind speed will be between (50 up to 90) Km/h in different aera.

د کندوز ولایت واټ ټرانسپورټ تنظیم ریاست له‌خوا د یاد ولایت شمال مسافروړونکي ترمینل له لارې د دغه ولایت اوسېدونکو ته په ۲۴ ساعته ډول منظم او معیاري ټرانسپورټي خدمات وړاندې کېږي. په دغه ترمینل کې هره ورځ شاوخوا ۳۰۰ موټر د ټرانسپورټي اصولو سره سم د یاد ولایت قلعه زال، ارچي او امام صاحب ولسوالیو په مسیرونو د مسافرو د لېږد رالېږد چارې پر مخ وړي.
په یاد ولایت کې د شمال ترمینل سربېره د کندوز ـ کابل او کندوزـ تخار مسافروړونکو ترمینلونو کې هم کې د ټرانسپورټي چارو غوره تنظیم، شفافیت او وړاندې کېدونکي خدمات هغه څه دي چې د مسافرو خوندي او پر وخت لېږد رالېږد ته یې بشپړه زمینه برابره کړې ده
د دغه ترمینلونو فعالیت د یاد ولایت اوسېدونکو ته د تګ راتګ لپاره د اسانتیاوو او ټرانسپورټي خدماتو وړاندې کولو سربېره، د کندوز له مرکز سره د ګڼو سیمو د ټرانسپورټي اړیکو په ټینګښت کې هم مهمه ونډه لري.
په ورته وخت کې د یاد ولایت واټ ترانسپورټ تنظیم ریاست هڅه کوي چې شته ټرانسپورټي نظم لا پیاوړی، خدمات لا معیاري او د مسافرو او موټر چلوونکو لپاره اسانتیاوې لا زیاتې کړې.
د ټرانسپورټي اصولو پلي کېدل او د ترمینلونو منظم فعالیت په یاد ولایت کې د عامه ټرانسپورټ د چارو ښه والي او معیاري کېدو لپارغوره زمینه برابره کړې ده. همدا ډول د اقتصادي او ټولنیزو فعالیتونو د پراختیا ترڅنګ یې د مرکز او ولسوالیو ترمنځ د ټرانسپورټي اړیکو د پیاوړتیا لپاره هم اغېزمن رول لوبولی دی.

راپور ⬇️

د کندوز ولایت ټرانسپورټي چارو نظم او پرمختګ