د تخار ولایت واټ ټرانسپورټ تنظیم ریاست کې د باروړونکو ټرانسپورټي شرکتونو له استازو سره، په ناسته کې د ټرانسپورټي چارو لا ښه والي، د طرزالعملونو پلي کولو او معیاري ټرانسپورټي خدمتونو وړاندې کولو په تړاو ګډونوالو ته لارښوونې او ټینګار وشو. 

د ټرانسپورټ او هوايي چلند وزارت لخوا د هلمند واټ ټرانسپورټ تنظیم ریاست انګړ کې د څه باندې ۵ میلیونه افغانیو په ارزښت، د اداري ودانۍ لنډ سکېپ، پارکېنګ، شنو ساحو، بیرغ او فوارې د جوړولو چارې پیل شوې. یاده پروژه چې ښایې چارې یې په ۲ میاشتو کې بشپړې شي، د کاري چاپېریال ښه والي، کارکوونکو او مراجعینو ته د تګ راتګ او د لېږدوونکو وسایطو د پارکېنګ لپاره د مناسبو اسانتیاوو برابرولو په موخه پلي کېږي.

د فراه واټ ټرانسپورټ تنظیم ریاست مسئولینو د فراه – کابل مسافروړونکي ترمینل ټرانسپورټي شرکتونو له استازو سره د ټرانسپورټي چارو لا تنظیم، هېوادوالو ته په یاده برخه کې د سهولتونو برابرولو او خدماتو لا معیاري کېدو په موخه ناسته وکړه. په دغه ناسته کې د ټرانسپورټي شرکتونو استازو ته د ټرانسپورټي اصولو ښه پلي کولو، د مسافروړونکو موټرو معیاري کولو او د ترمینل کاروونکو ته د ټرانسپورټي چارو لا ښه تنظیم په اړه اړینې سپارښتنې وشوې.

د تخار ولایت واټ ټرانسپورټ تنظیم ریاست له‌خوا د تخار – کابل مسیر کوچنیو موټرومسافروړونکي ترمینل له لارې د دغه ولایت اوسېدونکو ته په ۲۴ ساعته ډول منظم او معیاري ټرانسپورټي خدمات وړاندې کېږي. په دغه ترمینل کې هره ورځ شاوخوا ۴۰۰ موټر د ټرانسپورټي اصولو سره سم د تخار – کابل، کندوز، بلخ او بغلان په مسیرونو د مسافرو د لېږد رالېږد چارې پر مخ وړي. د یادولو وړ ده چې په یاد ولایت کې په دغه ترمینل سربېره درې نورمسافروړونکي ترمینلونه هم فعالیت لري چې د ټرانسپورټي چارو غوره تنظیم، شفافیت او وړاندې کېدونکو خدماتو له لارې یې د مسافرو خوندي او پر وخت لېږد رالېږد ته یې بشپړه زمینه برابره کړې ده.