خبرونه
د هرات ولایت خواجه عبدالله انصاري نړیوال هوایي ډگر!
د هرات ولایت خواجه عبدالله انصاري نړیوال هوایي ډگر!
ویډیو👇
نیټه: 2026-04-01
د کابل ولایت ارغندۍ سیمه کې دوه پراختیايي پروژې د پلي کېدو په حال کې دي
د ټرانسپورټ او هوايي چلند وزارت له لوري د کابل ولایت ارغندۍ سیمه کې د څه باندې ۱۳ سوه میلیونه افغانیو په ارزښت د معیاري مسافروړونکي ترمینل او باروړونکو موټرو لپاره د تیرپارک جوړولو پروژو کارونه د پام وړ کاري پرمختګ لري. دغه پروژې چې کارونه د پلان سره سم پرمخ روان دي، هڅه کېږي تر څو چارې یې په ښه کیفیت او له مهالوېش سره سم، په ټاکل شوې نېټه پای ته ورسېږي. یادې پروژې د ځمکني ټرانسپورټ پراختیا او پیاوړتیا په برخه کې ګټور ګام بلل کېږي.
نیټه: 2026-04-01
کندوز ولایت کې د دوو تیر پارکونو جوړولو چارې روانې دي
د ټرانسپورټ او هوايي چلند وزارت لخوا د کندوز ولایت دښتې ابدان سیمه کې، د څه کم ۲۹میلیونه او د یاد ولایت چهار درې ولسوالۍ کې د څه باندې ۲۸ میلیونه افغانیو په ارزښت د تیرپارکونو جوړولو چارې روانې دي. دغه پروژې چې څلور میاشتې وړاندې پیل شوې دا مهال یې چارې نږدې ۳۲ سلنه پرمخ تللې دي.
نیټه: 2026-04-01
د واټ ټرانسپورټ ولایتي مسئولینو سره د چارو لا شفافیت په اړه انلاین ناسته وشوه
د واټ ټرانسپورټ معین الحاج ملا عبدالسلام حیدري، مالي او اداري معین حافظ صدیق الله عابد او یو شمېر رئیسانو په ګډون د ځمکني ټرانسپورټ ولایتي مسئولینو سره د ټرانسپورټي چارو شفافیت، د خدماتو لا معیاري کېدو او په یاده برخه کې د سهولتونو رامنځته کولو په اړه انلاین ناسته وشوه. په دغه ناسته کې د باروړونکو موټرو رونډ نوبت، د ټرانسپورټي وسایطو د ثبت او اسنادو وېش، د عوایدو برېښنايي کولو، په هډو او ترمینلونو کې د ټرانسپورټي چارو او خدماتو څخه د څارنې، د چارو لا شفافیت او معیاري کېدو په موخه د برېښنايي سیستمونو پلي کولو او یو شمېر نورو اړوند موضوعاتو په اړه خبرې وشوې او ولایتي مسئولینو ته یې په اړه لازمې لارښوونې وشوې.
نیټه: 2026-04-01