د بلخ ولایت د حیرتان دوراهي کې د عامه او خصوصي مشارکت له لارې د۸۵۰ میلیونه افغانیو په ارزښت د باروړونکي ترمینل جوړولو چارې په چټکۍ سره روانې دي. په دغه پروژه کې د ترمینل اصلي ودانۍ، پارکینګ، سړکونه، د موټرچلوونکو د اوسېدلو ودانۍ، د برېښنا او اوبو رسولو شبکې د ټرانسپورټي شرکتونو دفترونه او نور تاسیسات شامل دي. د یادې پروژې په بشپړېدو سره به د هېواد ټرانسپورټي زیربناوو د پیاوړتیا ترڅنګ، د باروړونکو موټرو لپاره معیاري اسانتیاوې اوغوره خدمات برابر شي.

د #حج د سپېڅلي سفر پای؛ د وروستي کاروان په راستنېدو سره د افغان حاجیانو د بېرته راتگ لړۍ بشپړه شوه.
ویډیو👇

د حج د سپېڅلي سفر پای؛ د وروستي کاروان په راستنېدو سره د افغان حاجیانو د بېرته راتگ لړۍ بشپړه شوه

د ټرانسپورټ او هوايي چلند وزارت د ټرانسپورټي قوانینو او معاهداتو رئیس یارمحمد رمضان په مشرۍ د ايراني چارواکو سره په انلاین ناسته کې د دواړو هېوادونو ترمنځ د ټرانزيټي موټرو معیاري تګ راتګ او په یاده برخه کې د سهولتونو رامنځته کولو او نورو اړوند موضوعاتو په هکله خبرې وشوې. 

د ټرانسپورټ او هوايي چلند وزارت لخوا د سمنګان ولایت تاشقرغان ولسوالۍ نواباد سیمه کې، د څه باندې ۱۴ میلیونه افغانیو په ارزښت د تیرپارک جوړولو چارې روانې دي. په یاده پروژه کې چې اداري ودانۍ، چاپېرېدونکی دېوال، جومات او د اوبو رسولو شبکه شامل دي، دا مهال یې کارونه ۸۲ سلنه پرمخ تللي دي.