په تېر۱۴۰۴ لمریز کال کې۲۰ زره، ۲۲۲ ټرانسپورټي موټرو کې د جي پي اېس الې نصب شوې دي. د یادولو وړ ده چې تر دې دمه، په ټول هېواد کې په مجموعي ډول شاوخوا ۴۰ زره مسافروړونکو او باروړونکو موټرو کې د جي پي اېس الې نصب شوې دي او دا لړۍ په منظم ډول دوام لري. 

د ټرانسپورټ او هوايي چلند وزارت، د ټرانسپورټي خدمتونو تنظیم او عرضې ریاست له لوري په تېر ۱۴۰۴ لمریز کال کې ۱۱۵ باروړونکي او ۷۰ مسافروړونکي ټرانسپورټي شرکتونه ثبت او د فعالیت اجازه لیکونه ورکړل شوي دي.
د یادولو وړ ده چې دا مهال په ټول هېواد کې ټول ټال ۹۰۰ ټرانسپورټي شرکتونه فعالیت لري چې د مسافرو او سوداګریزو توکو لېږد رالېږد په برخه کې خدمات وړاندې کوي.

د ټرانسپورټ او هوايي چلند وزارت لخوا په ټولو هډو او ترمینلونو کې د خوندي سفر او د ټرانسپورټي وسایطو معیاري کولو په موخه د موټرو تخنیکي ارزونه ترسره کېږي چې په تېر یو کال کې د ۸۶ زره مسافروړونکو او باروړونکو موټرو تخنیکي ارزونه ترسره شوې. ددې ترڅنګ د خوندي سفر او موټرچلوونکو د عامه پوهاوي په موخه په ټرانسپورټي هډو او ترمینلونو کې د بېلا بېلو موضوعاتو په تړوا سلګونه خبرتیاوې توزېع او په اړینو ځایونو کې نصب شوې دي

په تېر۱۴۰۴ لمریز کال کې د ښاري نظم د پیاوړتیا په موخه، په کابل ښار کې د ۷۴ ښاري ترمینلونو ځایونه تثبیت شوي او د ځمکو د تصفیې چارې یې روانې دي، همدارنګه په ولایتونو کې هم د ترمینلونو لپاره د ځایونو تثبیت دوام لري. د یادولو ده چې په کابل ښار کې ۶۵ ښاري مسیرونه له شخصي وسایطو پاک او پر ځای یې ښاري بسونو او ټکسي موټرو فعالیت ته زمینه برابره شوې ده.