د ټرانسپورټ او هوايي چلند وزارت د پروژو مدیریت رئیس انجنیر بختیار اختیاري د تخنیکي ټیم په ملتیا د کندهار ولایت باغ پل په سیمه کې د مسافروړونکي ترمینل د جوړېدو له روانو چارو لیدنه او څارنه وکړه. نوموړي د پروژې د چارو پر چټکتیا او په ځانګړي ډول د کار لوړ کیفیت پر رعایت ټینګار وکړ. د باغ پل مسافروړونکی ترمینل، چې د نیمروز، هلمند، فراه او هرات ولایتونو د موټرو د تګ راتګ لپاره جوړېږي، شاوخوا ۱۶۷ میلیونه افغانۍ لگښت پرې راځي، چې دا مهال يې چارې نږدې ۳۵ سلنه بشپړې شوې دي.

د نیمروز ولایت په هوایي ډګر کې د هوا پېژندنې نوې دستګاه ګټې اخیستنې ته وسپارل شوه.
راپور:👇

https://www.youtube.com/watch?v=A4rq2ldLfmc

د ننګرهار ولایت واټ ټرانسپورټ تنظیم ریاست کارکوونکو ته د ټرانسپورټي چارو لا تنظیم، د اصولو پلي کولو او د کارونو شفافیت په موخه د ټرانسپورټي وسایطو د اسنادو طرزالعمل په اړه ښوونیز سمینار وړاندې شو. 

د ټرانسپورټ او هوايي چلند وزارت له‌خوا د روان کال په تېره یوه میاشت(مرغومي) کې، د هېواد بېلا بېلو ولایتونو کې د ۱۱زره، ۲۵۰ مسافروړونکو او باروړونکو موټرو تخنیکي ارزونه شوې ده. د دغه ارزونې په ترڅ کې دلېږدوونکو وسایطو تخنیکي وضعیت بېلا بېل اړخونه په منظم ډول ارزول کېږي. ترڅو د مسافرو، سوداګریزو مالونو او لېږدوونکو وسایطو د خوندیتوب بشپړ تامین رامنځ ته او د هر ډول احتمالي خطر، ټرافیکي پېښو، مالي او ځاني زیانونو مخه ونیول شي.