نن دوشنبه، د وږي ۳۰مه، د افغانستان اسلامي امارت او ترکمنستان د تخنیکي پلاوو ترمنځ دوه ورځنۍ ناسته، د دواړو هېوادونو د ټرانسپورټي او ټرانزیټي اړیکو د پیاوړتیا او پراختیا په موخه، د افغانستان په کوربتوب په هرات ولایت کې ترسره شوه. د افغانستان اسلامي امارت په پلاوي کې د بهرنیو چارو، صنعت او سوداګرۍ وزارتونو او د اوسپنې پټلۍ عمومي ادارې استازي شامل دي، چې د دغه پلاوي مشري، ټرانسپورټ او هوايي چلند وزارت پر غاړه لري. ټاکل شوې ده،په دې ناسته کې د افغان او ترکمن موټرچلوونکو او سوداګرو لپاره د دوه‌اړخیزو ویزو د ورکړې بهیر د اسانتیا، د لاجورد ټرانزیټي دهلېز د عملياتي کولو، د دواړو هېوادونو ترمنځ د ټرانزیټي موټرو د ازاد تګ راتګ او د ټرانسپورټي همکاریو اړوند پر یو شمېر نورو موضوعاتو بحث او د نظرونو تبادله وشي.

 تېره ورځ د ټرانسپورټ او هوایي چلند وزارت ڪارکوونکو چارو ریاست له لوري د وزارت خالي مسلکي بستونو کې د وړ او مسلکي کسانو ګمارنې په موخه له ۹۰ ڪسانو د ازادې سیالۍ له لارې ازموینه واخیستل شوه. د یادو ڪسانو له ډلې څخه به وړ کسان وټاڪل شي او په اړوندو خالي بستونو کې به وګمارل شي.

خبرداری
د اعتبار موده: د ۱۴۰۵ کال د وږي ۲۰ نېټې پورې
په لاندې ولايتونو کې د نسبتاً تیزو بادونو خاورو او دوړو پېښېدو اټکل
په مرکزي او سوېل ختيځو ولايتونو کې د نسبتاً تیز و بادونو خاورو او دوړو پېښېدو اټکل شته چې د سرعت کچه يې په بېلا بېلو سیمو کې (۵۰) څخه تر (۸۰) کیلو متره په ساعت کې اټکل کېږي.

هشدار
مدت اعتبار : ۳۰ سنبله سال ۱۴۰۵ خورشیدی
احتمال وقوع بادهای نسبتاً شدید همراه با گرد و خاک در ولایات ذیل پیش بینی میگردد
در ولایت های مرکزی و جنوب شرقی احتمال وقوع بادهای نسبتاً شدید همراه با گرد و خاک وجود دارد که سرعت آن در نقاط مختلف بین ۵۰ الی ۸۰ کیلو متر در ساعت پیش بینی میگردد.

WARNING!
Validity time: 21 September 2026
Possibility of Relatively Strong Winds with Blowing Dust for the following provinces:
In the Central and Southeastern Province's possibility of Relatively Strong Winds with Blowing Dust the amount of Wind speed will be between (50 to 80) Km/h in different area.

د فراه ولایت واټ ټرانسپورټ تنظيم رئیس الحاج فضل‌الحق «الجهاد آخندزاده»، له مل پلاوي سره د شیخ ابو نصر فراهی بندر ته د خپل سفر په ترڅ کې له موټرچلوونکو او ټرانسپورټي شرکتونو له مسؤلینو سره ناسته وکړه. په دغه ناسته کې د ټرانزیټي جادې او ټرانزیټي بازارچې د موټرو د نوبت، د موټرو د سمې پېژندنې او نورو اړوندو موضوعاتو په اړه خبرې وشوې. د یادونې وړ ده چې ابو نصر فراهي بندر کې د ترانشیف او ټرانزیټ دروازو کې د کنټرول سیستمونه فعال او د ټرانزیټي موټرو د نوبت او بار د معرفۍ بهیر منظم شوی، چې له امله یې موټرچلوونکو ته ډېرې اسانتیاوې رامنځته شوې دي او همدارنګه د موټرو لپاره د جلا پارکینګ د برابرولو او د یو جامع برېښنايي سیستم د جوړولو لپاره هم عملي اقدامات پیل شوي دي.