د هلمند ولایت واټ ټرانسپورټ تنظیم ریاست له لوري د ټرانسپورټي خدمتونو د ښه‌والي، د موټرو تخنیکي خوندیتوب او ټرافیکي پېښو د مخنیوي په موخه د موټرو تخنیکي ارزونې بهیر په منظم ډول ترسره کېږي او تېره ورځ د هلمند-کابل ترمینل کې د ډېری موټرو تخنیکي ارزونه وشوه. د یادولو وړ ده، چې د یادې پروسې په ترڅ کې د موټرو تخنیکي وضعیت ارزول کېږي، څو ډاډ ترلاسه شي چې موټر د تګ‌راتګ لپاره په بشپړ ډول چمتو شوي دي.

#بغلان ولایت د ټرانسپورټي تاسیساتو پروژه  د خدماتو او سهولتونو څخه ډک  ټرانسپورټي چاپېریال
 د #ټرانسپورټ او هوایي چلند وزارت له خوا د څه کم ۴۸ میلیونه افغانیو په ارزښت، بغلان ولایت کې د ټرانسپورټي تاسیساتو جوړولو یوه لویه پروژه د پلي کېدو په حال کې ده چې چارې یې ۸۵ سلنه بشپړې شوې دي.
په دغه پروژه کې چې د یاد ولایت واټ ټرانسپورټ تنظیم ریاست لپاره اداري ودانۍ، د مسافروړونکو او باروړونکو موټرو معیاري ترمینل، دوکانونه، د اوبو رسولو شبکه او ځینې نور تاسیسات شامل دی پاتې کارونه به یې هم د پلان سره سم بشپړ شي.
د دغه پروژو بشپړېدل نه یواځې د موټرچلونکو او مسافرو لپاره اسانتیاوې برابروي، بلکې  ښاري نظم برابرولو، د ټرانسپورټي خدماتو  کیفیت لوړولو او د ټرانسپورټي چارو پرمختګ او چټکتیا په برخه کې به مهم رول ولري او دا پراختیايي پروژې د هېواد اقتصادي او ټولنیز پرمختګ لپاره هم یو ښه ګام بلل کېږي.

راپور👇

بغلان ولایت کې د ټرانسپورټي تاسیساتو جوړولو چارې ۸۵ سلنه پرمخ تللې دي - YouTube

د ټرانسپورټ او هوایي چلند وزارت، د تخنیکي ټیمونو له لوري د مسافروړونکو او باروړونکو موټرو د معیاري ڪېدو او هېوادوالو لپاره د ارام او خوندي سفر برابرولو په موخه د موټرو تخنیکي ارزونه ترسره ڪېږي، چې یوازې د تېرې اونۍ په جریان کې د ۱۸۳۱ موټرو تخنیکي ارزونه ترسره شوې ده. د موټرو تخنیکي ارزونه، چې په ټول هېواد کې په دوامداره توګه ترسره ڪېږي، د موټرو د تخنیکي اصلاح او سمونې په برخه کې یې ګټور ګام بللی شو او تر دې دمه یې ښې پایلې لرلې دي.

د پکتیا ولایت د واټ ټرانسپورټ تنظیم ریاست رئیس ملا آدم بلال کوچي، د یاد ولایت حج او اوقاف ریاست رئیس او یو شمېر نورو ادارو د استازو په ګډون د یاد ولایت واټ ټرانسپورټ تنظیم ریاست په انګر د جومات جوړولو بنسټ ډبره کېښودل شوه. یاد جومات چې د امیرالمومنین حفظه الله د حکم پر اساس د حج او اوقاف وزارت په مالي لګښت د ۱.۶ میلیون افغانیو په لګښت جوړیږي چارې به یې د شپږو میاشتو په موده کې بشپړې شي.