#کندوز کې د موټرو تخنیکي ارزونه.
د موټرو تخنیکي ارزونه او له سفر کولو وړاندې د موټرو تخنیکي #کنټرول، د مسافرو خوندیتوب او ټرانسپورټي وسایطو معیاري کولو لپاره یو اساسي او مهمه پروسه
دا په کندوز ولایت کې د ټرانسپورټي وسایطو تخنیکي ارزونې پروسه ده چې د اسنادو ویش په موخه په عملي ډول د یو لړ تخنیکي  او ځانګړو مشخصاتو له مخې د موټرو بېلا بېل اړخونه د ټاکل شویو تخنیکي معیارونو سم پکې ارزول کېږي 
د یاد ولایت واټ ټرانسپورټ تنظیم ریاست له لوري، د روان کال په تېرو شپږو میاشتو کې شاوخوا یو زره ۲۰۰ مسافروړونکو او باروړونکو موټرو تخنیکي ارزونه ترسره شوې او له ارزونې وروسته ورته ټرانسپورټي اسناد وېشل شوي دي.
د موټرو د تنظیم او خوندیتوب او.معیاري کولو پروسه یوازې د تخنیکی ارزونې او د اسنادو تر وېش  پورې محدود نه ده  بلکې په هډو او ترمینلونو کې له سفر کولو وړاندې په دوامدار ډول د موټرو تخنیکي کنټرول پروسه کې هم د موټرو  وضعیت کتل کېږي تر څو د مسافرو او ټرانسپورټی وسایطو د خوندي سفر ډاډ ترلاسه شي.
تخنیکي ارزونه، د ټرانسپورټي اسنادو وېش او له سفر کولو وړاندې تخنیکي کنټرول هغه پرله‌پسې مهم  اقدامات دي چې د ټرانسپورټي اصولو  پلي کېدو ترڅنګ، د وسایطو  تنظیم، د تخنیکي نیمګړتیاوو  مخنیوي، د احتمالي پېښو د کچې راکمولو او په ټوله کې د یو منظم، معیاري او خوندي ټرانسپورټ لپاره زمینه برابر وي.

راپور ⬇️

کندوز کې د موټرو تخنیکي ارزونه

خبرداری
د اعتبار موده: د ۱۴۰۵ کال د تلې ۱۰ نېټې پورې
په لاندې ولايتونو کې تېز باران تالنده بریښنا او سېلابونو پیښیدو اټکل
په بدخشان، نورستان او خوست ولايتونو کې چې د باران کچه په بېلابېلو سیمو کې له (۱۰) څخه تر (۳۰) ملي متره پورې اټکل کېږي.

هشدار
مدت اعتبار : ۱۰ میزان سال ۱۴۰۵ خورشیدی
احتمال وقوع باران شدید رعد و برق و سیلابهای انی در ولایات ذیل پیش بینی میگردد
در ولایتهای بدخشان، نورستان و خوست که مقدار باران در نقاط مختلف بين (۱۰) الى (۳۰) ملی متر پیش بینی میگردد.

WARNING 
Validity time: 02 October 2026
Possibility of Heavy Rain, Thunderstorms and Flash Flood for the following provinces:
Badakhshan, Nuristan and Khost Provinces the amount of rainfall is between (10 up to 30) mm in different area.

د ټرانسپورټ او هوايي چلند وزارت د واټ ټرانسپورټ تخنيکي سلاکار وحيدالله مظلوميار په مشرۍ جوړې شوې کمېټې خوست ولايت ته د سفر په ترڅ کې د یاد ولایت، د مسافروړونکو او باروړونکو ټرانسپورټي شرکتونو د فعالیتونو ارزونه وکړه. د ارزونې پر مهال د ټرانسپورټي شرکتونو استازو ته د ټرانسپورټي فعاليتونو د معياري کېدو په موخه يو لړ سپارښتنې وشوې او د شرکتونو استازو د دوه اړخېزې همکارۍ ډاډ څرګند کړ.

د ټرانسپورټ او هوايي چلند وزیر الحاج ملا محمد فاضل مظلوم او د کرنې، اوبو لګولو او مالدارۍ وزیر مولوي عطاءالله عمري د کابل ولایت ارغندۍ سیمه کې د مسافروړونکي ترمینل او باروړونکو موټرو د تیرپارک جوړولو پروژو له روانو چارو او پرمختګ څخه لیدنه او څارنه وکړه. د ټرانسپورټ او هوايي چلند وزیر د پروژو د چارو له پرمختګ څخه خوښي څرګنده کړه او قراردادي شرکت ته یې سپارښتنه وکړه، چې د پروژو پاتې چارې د تخنیکي معیارونو سره سم په ټاکل شوي وخت بشپړې شي. همداراز د کرنې، اوبو لګولو او مالدارۍ وزیر مولوي عطاءالله عمري د ترمینل اړوند بېلابېلو برخو د سمسورتیا په اړه ټينګار وکړ، چې په مناسبو ساحو کې دې د ونو او بوټو کېنولو لپاره لازم تدابیر ونيول شي.